Testo di Carlo Fedele e Musica di Gianni Lamagna
video di Ferdinando Kaiser
Bonanotte a cchi vene,
bonanotte a cchi va,
bonanotte ê penziere
ca se vanno a cuccà.
Bonanotte a 'sta luna
ca rummane a guardà
chistu munno ccà sotto
ca fernesce 'e parlà.
Bonanotte ê speranze,
bonanotte a chi sonna
e sunnanno 'int''o suonno
se vulesse accungià.
Bonanotte Mari',
bonanotte mammà,
dint'a chesta nuttata
ve vulesse vasà.
Bonanotte stanotte
a chi me vò bbene,
bonanotte a chi sape
e nun pò scurdà.
Bonanotte a cchi fatica
sulo pe' campà,
bonanotte a 'stu munno
ca nun se vò adderezzà.
Bonanotte a cchi tene
'a cannela appicciata,
'na fiammella 'e curaggio,
ca nun vò stutà.
Bonanotte a 'sta mala jurnata,
bonanotte ddimane sarrà
'na canzona, 'na risa, nu strillo
tutto chesto pecchè ha ddà passà.
****************************
Con i bei versi del Poeta
Carlo Fedele
musica del Maestro Gianni Lamagna arrangiamento del Maestro Paolo Propoli
le straordinarie voci dello stesso
Lamagna e di Patrizia Spinosi
auguro un sereno Anno Nuovo
ai miei amici e contatti che seguono questo Blog
Che le vostre notti di tutto l'anno possano cominciare con un pensiero
carico d'amore
Buon 2018
Nessun commento:
Posta un commento